Познатиот рапер 50 Cent очигледно сака луѓето да ја сфатат сериозно неговата филмска кариера, па затоа презема драстични мерки. Слично како што Кристијан Бејл пред неколку години ослабе за филмот „The Machinist“, сега 50 Cent ослабел за да биде дел од филмот „Things Fall Apart“.
50 Cent преслаб за филмска улога.
Тој „скинал“ од себе 24,4 килограми за да може во новиот филм најдобро да ја долови улогата на спортист којшто боледува од рак.
Со помош на течна диета и секојдневно 3-часовно вежбање на стационарна лента за трчање, славниот рапер успеал своите 97 килограми да ги стопи до 72,5 за 9 недели.
„Гладував“ – изјавил 50 Cent.
Но, сега продолжува со своите настапи и се враќа во форма. „Јадам. Ќе се вратам во форма за кратко време“ – убедливо изјавувал 34-годишниот пејач.
Навистина фотографиите се шокантни, но веројатно амбициозниот рапер очекува и посакува токму таква реакција од неговата публика.