Ченинг и Џена-Деван Тејтум ја прославија 10-годишнината од нивниот заеднички филм „Step Up“. Холивудските ѕвезди се запознаа на снимањето на популарниот филм, а три години подоцна стапија во брак.
Во чест на овој специјален ден, славната актерка на Instagram сподели видео во кое со својот сопруг рекреираат сцена од „Step Up“ и стара фотографија направена за време на снимањето на филмот.
„На снимањето на Step Up. Не можам да поверувам дека е 10-годишнината од пуштањето на филмот. Ах, каде лета времето? Ве сакам сите и ви благодарам за сета љубов во сите овие години“ – напиша Џена во описот на фотографијата.
Славниот пар има едно дете – ќеркичката Еверли Елизабет Мејзел. Таа се роди на 31 мај 2013 година.
