Битолчанецот Дарко Гроздановски е млад пејач и виолинист, кој допрва ќе ја збогатува македонската музичка сцена.
20-годишниот музичар денес ја објави својата прва авторска песна, насловена „Да ја видам“.
Дарко ги потпишува музиката, текстот и аранжманот на песната.
За Фемина, Гроздановски откри дека во моментов работи на својата втора песна. Текстот за „Да ја видам“ го напишал одамна, во форма на поезија. „Бидејќи пишувам поезија, текстот за рефренот на оваа песна го имав одамна и со мали корекции се вклопи со музиката за рефрен. Инспириран од тоа, напишав музика и текст за строфите со што ја комплетирав песната“ – вели Дарко.
