Омотот за „The Edge Of Glory“
Нема запирање за Лејди Гага. 25-годишната пејачка активно работи на промовирање на својот претстоен албум, „Born This Way“. Нејзиниот најнов сингл е „The Edge of Glory“.
Песната е напишана под големо влијание на музиката од 80-тите и Брус Спрингстин. Гага инспирацијата за песната ја црпела од нејзиниот починат дедо и изјавила дека песната е за последните моменти на овој свет.
„Песната е за последниот момент на Земјата, моментот на вистината, моментот пред да го напуштиме овој свет“ – изјавила таа.
Кон средината на денс синглот, феноменалниот саксофонист Кларенс Клемонс од „The E Street Band“ изведува соло.
