Balmain и H&M неодамна ги објавија фотографиите од рекламната кампања за нивната возбудлива модна соработка, а сега ја откриваат и целосната колекција.
Во лимитираната колекција дизајнирана од Оливие Рустан, креативниот дизајнер на Balmain, доминираат широки колани на половината, нагласени раменици, припиени фустани, крзнени палта и впечатливи модни додатоци.
„H&M ми овозможи уникатна можност да ги внесам сите во светот на Балман. H&M е бренд со кој сите се поврзуваат. Тој повикува на единство и јас сум за тоа“ – изјавил Рустан.
Овие модни парчиња ќе бидат достапни за купување од 5 ноември во 250 продавници на H&M, но и онлајн.
Главни ѕвезди од кампањата на популарниот шведски бренд и француската модна куќа беа Кендал Џенер, Џордан Дан и Џиџи Хадид.