Ели Сааб умее да ги хипнотизира женските погледи и инстантно да нè одведе на магично патување. Овој пат либанскиот дизајнер нè носи во Индија преку раскошот кој ги опкружува индиските принцези.
Колекцијата висока мода пролет/лето 2016 ја потенцира љубовта на Сааб кон женственоста и комплексните текстури. Преку експериментирање со силуетите и најразлични везови и ткаенини, како и со инспирацијата од Викторијанската ера, тој го задржа вниманието на публиката и покажа дека допрва ќе гледаме стилски изненадувања во неговото творештво.
Своите модерни принцези Сааб ги прати на пистата во ниски сандали и авантуристички чизми со врвци, што е малку неочекуван потег од негова страна.
Кога станува збор за палетата, доминираа нежни нијанси на шампањ и лаванда, но не беа малку и белите креации. Одвреме-навреме се забележуваше употреба само на поинтезивна сина боја.
