Зухаир Мурад има моќ константно да продира во женските фантазии и оттаму да „краде“ идеи за елегантни креации достојни за восхит, а колекцијата невестински фустани 2015 е уште еден доказ за тоа.
Раскошните невестински фустани пленат со богати текстури кои се резултат на интригантни везови и апликации. Најголем дел од моделите се волуменозни и со принцески шарм, но не помалку впечатливи се сексапилните фустани кои го мамат окото со транспарентноста.
„Црпам инспирација од природата и од историјата, но пред сѐ од жените. Сакам да изразам почит кон нивната форма“ – вели либанскиот дизајнер чии креации сѐ почесто блескаат на црвениот тепих.
