Париската недела на високата мода заврши. Меѓу многуте колекции во кои се вложени илјадници часови работа, една ултра елегантна колекција заслужи посебно внимание. Станува збор за новата колекција висока мода на успешниот дизајнер Zuhair Murad.
Секој фустан од раскошната колекција е приказна за себе, па со овие креации либанскиот дизајнер ни одржа лекција дека убавината е во разновидноста.
Луксузните блескави ткаенини, деталите извезени до совршенство, женствените кројки и очигледната инспирација од јапонската култура и традиција ја прават и наједноставната креација исто толку неодолива и сексапилна колку и најкомплексната.
