Кога ќе се спомене брендот Џими Чи, веднаш се поврзува со блескава елеганција и гламур. Најновата колекција на познатиот бренд за обувки само во мала мера ги оправдува очекувања за гламурозна елеганција.
Моделите од колекцијата пролет/лето 2012 се многу полежерни и посекојдневни отколку моделите во досегашните колекции. Освен обувки со високи потпетици, дизајнерите создале и многу модели со плутени полни потпетици и ниски сандали кои ќе ги израдуваат жените кои го ценат комфорот.
Во целост, колекцијата ја задржува елеганцијата како своја препознатлива карактеристика за да ја привлече секоја дама која посакува дополнителна женственост во своите чекори.
