Ели Сааб со години го хипнотизира Холивуд и ја заведува секоја жена на светот. Либанскиот дизајнер, кој краде идеи од женските соништа, повторно претстави бајковита колекција.
Манекенките изгледаа како кротки самовили додека чекореа по пистата во Париз за да ја претстават колекцијата висока мода за сезоната пролет/лето 2013.
Блескави фустани со кристали извезени до совршенство ја сочинуваа колекцијата наречена „Ода на деликатноста“. Сааб си поигра со проѕирноста на материјалите и формите карактеристични за 50-тите години за да креира модели во бела, бежова, светло сина, нежна корална, црвена и црна боја.
