Армијата на Balmain повторно го освои Париз. На ѕвездената ревија во Градот на светлината, дефилираа славни модели кои ги претставија новите креации на Оливие Рустан, креативниот директор на француската модна куќа.
Шик комбинезони, сексапилни исечоци, дебели колани кои ја акцентираат половината и креации во кимоно стил доминираат во колекцијата за сезоната пролет/лето 2017.
„Армијата на Balmain го спушти својот штит“ – изјавил Оливие по завршувањето на ревијата. „Што и да правам, дури и ако ги покријам целосно моите девојки, луѓето можат повторно да велат дека е вулгарно. Јас сметам дека е шик, навистина француско. Така јас го гледам Париз“ – додал тој.
Наташа Поли ја имаше честа да го отвори шоуто, додека последна на пистата парадираше Џиџи Хадид, која претстави две креации.
Ѕвезди на модното шоу беа и Дауцен Крус, Алесандра Амбросио, Роми Стријд, Жозефин Скривер, Синди Бруна, Лаис Рибеиро, Изабели Фонтана, Стела Максвел и Констанс Јаблонски.
Место во првите редови на ревијата добија Кијара Ферањи, Хелена Бордон, Елена Перминова, Карла Бруни, Ким и Кортни Кардашијан и Крис Џенер.
