Една од најжешките и најактуелни пејачки потпиша договор за соработка со Емпорио Армани. Официјално е потврдено дека Ријана е ново заштитно лице на колекциите долна облека и џинс од познатиот дизајнер Џорџо Армани.
23-годишната ѕвезда ќе ѝ се приклучи на популарната група заштитни лица на Армани, во која спаѓаат Меган Фокс, Рафаел Надал и Викторија и Дејвид Бекам.
Но, новиот договор не значи дека Ријана целосно ќе ја замени Меган Фокс. Фокс ќе продолжи да биде заштитно лице на козметиката на Армани.
Рекламната кампања со Ријана за сезоната есен/зима 2011 ќе се снима во Њујорк, а ќе биде објавена во септември.
Ова не е прва соработка на Ријана со бјути или моден бренд. Досега таа имаше блиска соработка со Nivea, CoverGirl и Gucci.
