Огромниот дијамант кој Лејди Гага го носеше на Оскар чини 30 милиони долари, претходно го носеше Одри Хепберн

Лејди Гага го донесе гламурот на стариот Холивуд на црвениот тепих на Оскар. 32-годишната пејачка и актерка носеше црн фустан од Александар МекКвин и накит со редок скапоцен камен.

Гигантскиот дијамант е од 128,54 карати и се проценува дека чини вртоглави 30 милиони долари, а е во сопственост на популарниот бренд Tiffany & Co.

Интересното е што овој дијамант е носен само трипати во историјата. Претходно, жолтиот камен беше дел од накитот кој Одри Хепберн го носеше за снимањето на промотивни материјали за култниот филм „Breakfast at Tiffany’s“.

За настапот со Бредли Купер, Лејди Гага се пресоблече во фустан од Брендон Максвел.