Принцот Хусеин од Јордан стапи во брак со саканата Раџва Ал-Сеиф. Кралската свадба се одржа пред 1.700 гости во палатата Захран во Аман.
Новата јорданска принцеза блесна во прекрасна венчаница од модниот волшебник Ели Сааб, надополнета со долг превез и дијамантска тијара. Тим од 20 лица помина 3 месеци создавајќи ја романтичната креација.
Во својот свадбен изглед, Раџва додаде бели балетанки од брендот d'Orsay.
Подоцна, среќната невеста се пресоблече во уште една впечатлива венчаница од Долче и Габана.
И кралицата Ранија и кралот Абдула II се венчаа на истото место во 1993 година. Хусеин ќе го наследи јорданскиот трон.
