Елоквентната Мишел Обама осум години го фасцинира светот со интелектот и префинетиот стил. Штом ќе застане зад микрофон, таа има моќ да ја замолкне толпата и да го привлече целото внимание со своите ораторски способности. Штом ќе се појави покрај Барак на свеченостите во Белата куќа, веднаш следува лавина од комплименти.
Неретко заслужено застанува на челните позиции на листите на најдобро облечени славни личности и најинспиративни и најмоќни жени.
Американскиот народ се согласува дека таа е една од најдобрите први дами кои ги имал. Кога вториот мандат на нејзиниот сопруг се приближи кон својот крај, многумина започнаа да предлагаат таа да застане на чело на САД. Илјадници лица сега се убедени дека таа мора да се вклучи во претседателската трка во 2020 година и дека има реални шанси да победи.
Од фустаните од Џејсон Ву за инаугурациските балови, до елегантните креации за вечерите со светските лидери, Мишел континуирано нижи модни погодоци. Погледнете дел од нејзините најсилни стилски моменти.
