Халима Аден испиша историја и стана првиот модел кој позираше со хиџаб и буркини за изданието на Sports Illustrated посветено на костими за капење.
21-годишната девојка била родена во камп за бегалци во Кенија, каде живеела до нејзината 7-годишна возраст кога со семејството се преселиле во САД.
Халима оваа година се врати повторно во Кенија за снимањето на оваа фотосесија и за првпат уживаше во убавите предели на нејзината родна земја.
„Се потсетив на 6-годишната јас, која во оваа иста држава беше во камп за бегалци. Па тоа што пораснав и го живеам мојот Американски сон и тоа што за Sports Illustrated се вратив назад во најубавите делови од Кенија… сметам дека тоа е приказна која никој не може да ја измисли. Не можам да верувам дека ова е мојот живот, не можам да верувам дека ова е мојата професија“ – вели таа.
„Жените не мора да се вклопуваат во одредена категорија или кутија за да бидат почитувани и прославувани. Ако се чувствувате самоуверени и убави во танга бикини, носете ги, ако се чувствувате на тој начин во буркини и хиџаб, БИДЕТЕ ВИЕ, БИДЕТЕ САМОУВЕРЕНИ, БИДЕТЕ ПРЕКРАСНИ. Sports Illustrated Swimsuit е посветен на славењето на индивидуалноста која ги прави луѓето во светот убави и специјални“ – велат од списанието.
Халима беше и првата девојка која носеше хиџаб на изборот за Мис Минесота и носеше буркини во сегментот кога убавиците се претставуваат во костими за капење.
