Четири години синоним за модернистичка естетика, италијански сензибилитет и стилска разноликост. Четири години пример за константно усовршување и непрекинато градење на мрежа од задоволни клиенти. Брендот Rebecca веќе четврта година успешно го испишува македонското поглавје.
Rebecca Macedonia го одбележа роденденот со едно поинакво модно дружење. Бројни љубители на префинетиот накит присуствуваа на забава на која беа презентирани четири нови колекции. Станува збор за Stockholm Oceana, Tulip Luxury, Brame и Jolie Fashion, кои се стилски приказни на одржлива мода, луксуз и безвременски гламур.
Новите парчиња на Rebecca накитот, кои наскоро ќе бидат достапни во продажните салони на брендот во Рамстор и Ист Гејт, совршено ги комплетираа креациите кои македонски дизајнери ги создадоа специјално за ова модно шоу. Имено, Јована Филиповиќ, Тамара Стерјова, Тања Кокев, Игор Марков и ZERO Brand ги облекоа згодните модели кои ги крадеа погледите на гостите, а на чија кожа заблеска новиот накит на брендот. За мејкап изгледот и фризурата на моделите беше одговорен познатиот артист за коса и шминка Даниел Николовски.
Меѓу присутните кои придонесуваа за сјајната енергија беа и претставници на компанијата „Индустри Тести“, заслужна за раѓањето на Rebecca, чие седиште е во Фиренца, Италија.
Ѕирнете како изгледаше роденденската презентација:
Уште од самиот старт, Каролина Гочева и Кики Мукаетова се амбасадори на Rebecca Macedonia.
Новите колекции имаат моќ да ја освојат секоја модерна дама.
Brame - Колекција наменета за вистинските вљубенички во природата, кои се доволно авангардни за храбра помпа!
Средновековeн римски раскош преточен во впечатливи парчиња накит инспирирани од времето на италијанскиот триумф на уметноста, барокот. Во согласност со провокативното безредие на новото време, скапоцените камења ја предаваат палката на новиот рециклиран полимер, кој никогаш претходно не се употребувал во индустријата за моден накит. Имено, пластиката која секојдневно се собира од морињата и океаните, преку иновативен процес на рециклирање се претвора во колоритна смеса чија боја зависи од селекција а на материјали (се бираат по случајност) и динамиката на изработка. Еднаш добиениот колорит на полимерот можно е да не се повтори. Ваков полимер Rebecca за прв пат го користи во индустријата за моден накит.
BRAME Колекцијата е достапна само во ексклузивните салони на накитот REBECCA!
Stockholm Oceana - моќен и впечатлив накит за нагласена експресија на стилот
Бронза и 24-каратна позлата со кристали и одржлив полимер е можеби вистинската ДНК на брендот Ребека: Моќен, одржлив, а сепак впечатлив.
Stockholm Oceana Колекцијата е наменета за дами кои се своевидни стилски икони, со уникатен вкус во модата, нагласена самодоверба, индивидуалност и посебна експресија на стилот!
Tulip Luxury - суптилна емоција врамена во ведри парчиња накит
Лалињата, како симбол на будењето на природата пренесуваат позитивна енергија и најубави вибрации.
Tulip Luxury e изработена од разиграни фини синџири од бронза со додаден колорит кој може да го прилагодите на расположението: светкави елементи кои даваат доза на гламур и луксуз и парчиња со природни камења од жад во нови есенски нијанси.
Jolie Fashion - композиција на висока мода и безвременска класика
Колекцијата Jolie е проект кој отвора ново поглавје во историјата на брендот Rebecca. Jolie означува грацилност, софистициранот и безвременскa убавина. Колекцијата е специјално дизајнирана за дами кои сакаат парче ексклузивен накит, минималистички, ненаметлив, скапоцен но сепак достапен.
Парчињата од оваа колекција се изработени од чисто сребро и дијамантски прав достапен во неколку бои.
