Еден ден по крштевката на принцот Луи, кралското семејство се вклучи во прославата по повод 100-годишнината од создавањето на Кралските воздушни сили на Велика Британија.
Големата прослава, која се очекува да кулминира со воздушно шоу, започна со церемонија во Вестминстерската опатија.
Младите претставници на кралското семејство привлекоа најголемо внимание. Војвотката Кетрин чекореше покрај принцот Вилијам во син аутфит кој вклучуваше креација од Александар МекКвин, додека Меган Маркл за свечената пригода избра црн фустан од Диор и шапка од Стивен Џонс.
Кралицата Елизабета II беше придружувана и од принцот Чарлс, војвотката Камила, грофицата Софи и принцезата Ана.
