Кира Најтли блесна во уште една реклама на Шанел. 25-годишната актерка ја има главната улога во 3-минутата реклама за парфемот Coco Mademoiselle.
На почетокот на видеото Кира се буди гола во својот кревет, облекува тесен костим во тркачки стил и лудо вози огромен мотор низ улиците на Париз, додека во позадина се слуша песната „It's a Man's Man's Man's World“.
Потоа, Кира стигнува на фотосесија со згоден фотограф и двајцата веднаш започнуваат да флертуваат еден со друг. По барање на фотографот, кој всушност е Аргентинецот Алберто Аман, сите други вработени излегуваат и фотосесијата станува интимна. Прекрасната актерка смело се разголува пред Алберто и кога тој по нејзино барање оди да ја заклучи вратата, таа бега преку прозорецот и го остава збунето да стои на балконот.
„Коко Шанел на модерното време, чија мистерија, храброст и бунтовништво се во срцето на нејзиниот шарм“ – со овие зборови е опишана улогата на Кира во интересната реклама.
Познатата актерка е рекламно лице на Шанел од 2006 година.