Бизарен стајлинг: Кајли Џенер во припиен фустан со лавовска глава на ревија, доби многу критики
Кајли Џенер привлече огромно внимание и спротивставени коментари со појавувањето на ревијата на Schiaparelli во Париз.
25-годишната риалити ѕвезда носеше црн кадифен фустан на кој имаше прикачено рачно изработена лавовска глава. Својот стајлинг таа го надополни со невообичаени златни обувки.
„Убавицата и Ѕверот. Ми се допадна да ја носам оваа вештачка уметничка креација рачно изработена од материјали создадени од човекот. Прекрасно“ – напиша таа.
Слична креација на ревијата носеше и Ирина Шајк.
На Instagram профилот на брендот стои дека колекцијата го слави сјајот на природниот свет, но многумина не се согласуваат со тоа. Бројни се коментарите дека креациите се одвратни и дека со оваа колекција, брендот го промовира ловот и суровоста врз животните.