Џенифер Лопез е неуморна и незапирлива. 49-годишната ѕвезда започна со активна промоција на својот нов филм „Second Act“ во Њујорк.
Славната актерка и пејачка присуствуваше на повеќе промотивни настани и гостувања во емисии, а на секое нејзино појавување таа изгледаше беспрекорно од глава до пети.
Џеј Ло изгледаше како зимска модна кралица во комбинезон од Стефан Ролан и крзнен моден додаток, додека се упатуваше да гостува во емисијата „Watch What Happens Live“. Својот стилски избор, таа го надополни со сандали од Џими Чу.
Во шоуто на Џими Фелон таа блесна во бел волуменозен фустан со длабоко деколте.
За да ги изненади своите фанови на прикажувањето на филмот во театарот AMC, Лопез изгледаше модерно во сива карирана комбинација.
Подоцна, заедно со својот сакан Алекс, Џенифер се упати во Бронкс и привлекуваше погледи во бежова комбинација во високи чизми.
