Кога и да се обидуваме да консумираме здрава храна, се насочуваме кон свежото овошје и зеленчук, сметајќи дека содржат повеќе хранливи материи. Но, многу често се лажеме со тоа.
Замрзнатите зеленчуци често содржат повеќе хранливи материи отколку свежите, тврдат научниците. Тие откриле дека свежите зеленчуци можат да изгубат до 45% од своите хранливи материи додека да стигнат до чинијата на купувачите.
Многу често зеленчуците додека да се транспортираат и постават на полиците во супермаркетите веќе се стари 2 недели, т.е. изминати се две недели од моментот кога се собрани од нивите.
Истражувањето на Институтот за проучување на храната во Британија покажало дека токму тие околности придонесуваат зелената боранија да изгуби 45% од хранливите материи, брокулите и карфиолот 25%, грашокот 15%, а морковите до 10%.
Сепак, ова важи само за зеленчуците на кои им е потребно подолго време да стигнат до потрошувачката кошница. Свежиот зеленчук си останува најдобар извор на витамини и минерали, но само ако е пресен.
