Отсекогаш преовладувало сфаќањето дека жените формираат поцврсто пријателство помеѓу себе и се многу поблиски, отколку мажите. Тоа мислење е оправдано, а сега и докажано.
Женското пријателство е посилно.
Социолози од Универзитетот во Манчестер тврдат дека луѓето потешко се разделуваат од своите пријатели, отколку од своите љубовни партнери и дека тоа особено важи за понежниот пол.
Тие покажале дека врската помеѓу пријателките е толку силна, што дури и ако се разделат поради тоа што не сакаат да се дружат, потоа чувствуваат голема вина.
Проф. Керол Смарт, која што го предводела тимот, изјавила: „Етиката на пријателството е многу силна и прави да ни биде тешко да ставиме крај на едно пријателство, дури и кога тоа престанало да биде забавно, затоа што чувствуваме ужасна вина за тоа.“
Истражувањето во кое учествувале 200 луѓе покажало дека мажите се многу попроменливи од жените и полесно го губат контактот со пријателите кога ќе се преселат или кога ќе го сменат работното место. Ним им е полесно да создадат нов круг на пријатели, каде и да одат.