Пронаоѓањето на совршените фармерки е мисија на секоја жена. Па, кога ќе налетате на фармерки кои совршено легнуваат на вашите облини, нормално е да чувствувате голема возбуда и среќа. А уште и ако се на попуст, сигурно ќе се чувствувате како да сте добиле голема награда.
Ново истражување открило дека кај половина од жените возбудата од пронаоѓањето на фит фармерки на попуст е толку голема што дури ја надминува возбудата за време на секс.
Истражување на People StyleWatch покажало дека скоро половината од жените (поточно 48%) се повозбудени кога ќе пронајдат убави фармерки на распродажба, отколку кога имаат секс.
Во рамките на истражувањето учествувале 2000 жени на возраст од 18 до 49 години, а целта била да се открие како стилот на славните влијае на начинот на облекување на жените.
Исто така, било откриено и дека 75% од жените црпат инспирација за облекување од стилот на славните, 67% повеќе земаат идеи од славните отколку од моделите на модните писти, а 75% се склони да платат повеќе пари за одредено парче облека откако ќе видат дека истото го носи некоја популарна личност.