Касандра Калин е артистка од Романија која се инспирираше од маките со кои се соочува како претставник на понежниот пол за да создаде илустрации кои на хумористичен начин го доловуваат женското секојдневие.
Неуспешен обид за шминка како девојките од видео-туторијалите, маникир уништен поради мала незгода, тенката линија исцртана со ајлајнер која не изгледа баш тенка како посакуваната, копнежот по прекрасен бронзен тен кој резултира со вцрвенета (изгорена) кожа од долгите часови поминати на сонце, двоумење дали да го изеде примамливото слатко парче торта... Тоа го прикажуваат илустрациите на талентираната артистка во кои секоја девојка може да се пронајде.
„Цртам стрипови инспирирани од мојот живот и моите искуства. Уживам да се исмејувам себеси и да се жалам за смешните маки, како на пример тоа што сум родена со кадрава коса“ – вели 21-годишната девојка.