Маја Топчагиќ е фотографка од Сараево која прави впечатливи портрети од црвенокоси девојки со пеги.
Топчагиќ го започнала проектот „Freckles“ или „Пеги“ пред две години, инспирирајќи се од моделот Асима Сефич. Асима е црвенокоса девојка со сини очи, а фактот што само 2% од светската популација ја поседуваат таа комбинација ја фасцинираше Топчагиќ.
„Црвенокосите со пеги имаат уникатна убавина и јас пронајдов инспирација во тоа. Во минатото, пегите се сметаа за непожелни и непријатни за гледање, но денес тие достигнаа голема слава во светот на фотографијата“ – вели 25-годишната Босанка.