Додека бебињата спијат, изгледаат толку смирено и неодоливо што секој може со часови да стои и да ги набљудува. Една мајка решила да го искористи времето додека нејзината ќеркичка спие, за да создаде интересни фотографии. Адел Енерсен на креативен начин со помош на шалови, облека и други реквизити од домот создава интересни концепти во чиј центар е секогаш нејзината мала ќерка Мила.
Сите тие слатки фотографии 33-годишната мајка ги објавила во новата книга „When My Baby Dreams“.
„Откако се роди Мила, бев толку возбудена што не можев да спијам! Но, Мила сакаше да спие со часови и часови, па додека таа се одмараше сè што можев да правам беше да зјапам во моето бебе и да се прашувам... За што ли сонува? По неколку седмици поминати во гледање на заспаната Мила, конечно започнав да ги гледам нејзините соништа, па решив да ги фотографирам“ – пишува во воведот на книгата.
Кога Мила ќе порасне, сигурно ќе биде пресреќна што има толку специјални спомени од почетокот на својот живот.
Мила и Адел