Сарасвати е талентирана мејкап артистка од Малезија, која со помош на своите хиџаби и трансформациски вештини се претвора во ликови од цртаните филмови на Дизни.
Креативната девојка, која го привлече вниманието на илјадници корисници на Instagram, користи хиџаби во различни бои како коса, во зависност од цртаниот лик во кој сака да се претвори, а нејзиниот талент за шминкање ѝ помага комплетно да го долови посакуваниот изглед.
Ариел, Покахонтас, Јасмин, Бела, Мулан и Алиса се дел од принцезите во кои се трансформира Сарасвати, но таа не пропушта да влезе и во улога на негативците од Дизниевите хитови.
