Верно куче од Италија нè потсетува колку може да биде силна врската помеѓу луѓето и животните. Откако неговата сопственичка починала пред два месеца, 12-годишниот германски овчар Томи секој ден ја посетува црквата во која била одржана нејзината погребна церемонија.
Марија Маргарита Локи живеела заедно со Томи и уште три други кучиња, кои биле скитници пред таа да им даде дом. Но, од сите кучиња, најсилна врска имала со Томи кој ја следел насекаде.
На денот на нејзиниот погреб, Томи го следел ковчегот и присуствувал на мисата одржана во црквата Санта Марија Асунта во Сан Доначи, Југоисточна Италија. Оттогаш, секој ден кога ќе ги слушне камбаните, кучето влегува во црквата и легнува пред олтарот.
Отецот Донато Пана изјавил дека кучето секогаш се однесувало примерно и никогаш не лаело во црквата. „Му дозволувам да седи внатре бидејќи се однесува многу добро и никој ми се нема пожалено од него“ – изјавил тој.
Кроткоста и лојалноста на Томи ги освои срцата на жителите на Сан Доначи, па сите заедно се грижат за него.