Адам Оприс ја овековечува бременоста со импресивни подводни фотографии. Американскиот фотограф ги кани своите клиентки под вода, каде со својот фотоапарат ја „уловува“ грациозноста во нивните движења.
Оприс, кој работи и како свадбен фотограф, кратките мигови ги претвора во вечни спомени. „Имам вистинска страст да фотографирам моменти од животот на луѓето кои ќе им го одземаат здивот секогаш кога ќе ги погледнат“ – пишува тој на својот сајт.
Фотографиите на Оприс деновиве придобиваат сè повеќе обожаватели, откако тој го објави својот подводен проект на BoredPanda.
