Поради огнени пламени, вчера за само неколку часа беше уништен голем дел од катедралата Нотр Дам во Париз. Додека пожарникарите се бореа со пламените јазици, артисти од целиот свет создаваа трогателни цртежи за ова историско богатство.
Најголем дел од илустрациите се инспирирани од книгата „Ѕвонарот на Богородичната црква“ и прикажан е Квазимодо како рони солзи за својот уништен дом.
Погледнете ги емотивните цртежи:
„Не треба да бидеш ни Французин ни католик, туку човек за да ја разбереш тагата на денешниот ден, кога ќе го видиш во пламен едно од најубавите наследства изградено од човештвото. За некои е само убавина, храм, симбол, туристичко место, но за другите, тоа беше дом“ – стои во описот на еден од цртежите.
Богородичната црква ќе биде реставрирана. Претседателот на Франција, Емануел Макрон, започна кампања за собирање на парични средства и испрати повик до талентирани уметници од секаде во светот да го дадат својот придонес во возобновувањето на готската градба која е стара 850 години.
Досега двајца бизнисмени изјавија дека ќе донираат големи суми за Нотр Дам. Сопругот на Селма Хајек, Франсоа Анри-Пинот, ќе вложи 100 милиони евра, додека бизнисменот Бернар Арно ќе издвои 200 милиони евра.
