Сторија со среќен крај: Бурма беше пронајдена во Охридско Езеро, со помош на Facebook пронајден сопственикот

Позитивна сторија им го разубави денот на илјадници Македонци и покажа дека со добрина и чесност лесно се продира во срцата.

Имено, Биби Ставрева на Facebook сподели дека била пронајдена бурма во Охридско Езеро и побара помош преку споделувања прстенот да стигне до сопственикот. Потрагата заврши успешно и прстенот на кој било изгравирано „Monika+Dejan 28.07.1998“ ќе се врати на раката на Дејан.

Откако објавата стигна до Моника и Дејан, парот во коментари сподели дека прстенот бил изгубен пред пет години, а дека тие се горди родители на две деца и дека годинава ја прославиле 20-годишнината од бракот.

Дефинитивно ова е приказна која заслужува да биде хит.