Иако сите родители ги учат своите деца да не разговараат со непознати, тие ретко знаат дали нивните чеда ја следат таа лекција зад нивните грбови. Нов социјален експеримент покажува колку лесно тинејџерките им се доверуваат на момчиња кои реално воопшто не ги познаваат, а ги запознале на социјалните мрежи.
Целта на YouTube ѕвездата Коби Персин била да покаже колку лесно педофил кој користи лажен профил на социјалните мрежи може да закаже средба со малолетна девојка. Во видеото, тој прави лажен профил на Facebook, на кој се претставува како 15-годишно момче и започнува да контактира со три девојки на возраст од 12, 13 и 14 години.
Со дозвола од родителите, тој закажува средба со нив. Трите девојки без знаење на родителите се сретнуваат со Коби, но таму ги чека изненадување.
„Во САД има повеќе од 750.000 регистрирани педофили“ – пишува на крајот од видеото кое за само 3 дена има над 18 милиони прегледувања на YouTube.