Маж, кој се срамел и грозел од сопственото тело, ослабе 40-тина килограми и сега освојува женски срца со привлечниот изглед.
„Потенцијалот е неограничен ако ги надминеш стравот и изговорите“ – вели Грант Сандерс од Лас Вегас, кој пред девет години ја започнал трансформацијата.
„Како дете, секогаш бев силен и мускулест. Растејќи како „непланирано дете“ со 4 поголеми браќа и сестри, изборот за храна ми беше она што е најлесно. Исто така, спортував голем дел од мојот живот и бев одличен во бејзбол. По натпреварите, моите родители ме наградуваа со голем хамбургер и помфрит. Овие навики продолжија во голем дел од моето детство и доведоа до моите 114 килограми во последната година од средното училиште“ – објаснува Грант.
„Не се чувствувам како јас да сум бил некогаш оваа личност, но немав вистинска мотивација да се сменам. Имав ветувачки талент за бејзбол и имав девојка. Животот беше убав и удобен“ – додава тој.
Грант долго време се соочувал со проблеми со грбот и грчеви во нозете, но продолжил да тренира бејзбол, бидејќи не сакал да се откаже од спортската кариера.
Еден ден, Грант направил рендгенска снимка и докторите откриле дека има фрактура на 'рбетот. Тогаш, тој сфатил дека неговата иднина во спортот завршува.
Разочараниот Американец имал депресивен период и прекумерно јадел, а недоволната физичка активност довела до покачување на килограмите. Кратко време подоцна, раскинал со својата девојка.
Тоа бил моментот кога Грант сфатил колку е несреќен со своето тело и начинот на живот. „Знаев дека сакам да се сменам, но не знаев како. Имав витки на стомакот и колковите и се грозев од себеси“ – вели тој.
Со здрава исхрана и напорни тренинзи, Грант си го трансформира изгледот до непрепознатливост и сега посветено се грижи да го одржува своето тело во добра форма.
Сандер им порачува на родителите да им „всадуваат“ здрави навики на децата. „Ако го читате ова и ако сте родител, ве молам обидете се да вклучувате здрави навики во вашето домаќинство. Децата не знаат што е најдобро за нив, а многу е тешко да се накренат по нездраво детство“ – порачува тој.