Видеото на Кејти Доерти ќе ви ја покаже магијата на раѓањето нов живот.
Решителната мајка одлучила да го роди своето трето дете сама во базен во својот дом. Нејзиното породување е документирано од фотографката Ванеса Браун.
Семејните нежности пред породувањето, поддршката од сопругот, комуникацијата со малата ќерка, доаѓањето на бебето на овој свет, насмевката на мајката и солзите на таткото ќе ви разбудат микс од емоции.
Раѓањето на бебето е во шестата минута до видеото.
„На почетокот не бев сигурна дали сакам да имам снимка, но сега знам дека ќе го ценам ова видео цел живот“ – вели Кејти, која работи како педијатар. „Навистина верувам дека породувањето не е нешто кое треба да нè плаши и се надевам дека моите ќерки ќе пораснат знаејќи колку се моќни нивните тела. Носењето на моите девојчиња на овој свет не беше ништо друго освен базен, солзи и луѓе кои ме научија на нова почит кон она што може да го направи моето тело“ – додава таа.
Малата Вајолет се роди на 17 септември 2015 година во 42 недела од бременоста, но за Кејти моментот бил уште поспецијален зашто знаела дека тоа е нејзиното последно бебе. „Сите сомнежи кои ги имав во себе, сите скриени стравови исчезнаа во секундата кога ја видов. Знаев дека тоа е моето последно бебе и беше совршена“ – вели Кејти.
