Некои луѓе се навистина прекрасни. Вработени во болница во Канзас и волонтери од организацијата „March of Dimes“ претпразнично усреќија многу родители на предвреме родени или болни бебенца.
Тие ги облекоа најмалите пациенти како новогодишни подароци и им направија слатка фотосесија со Дедо Мраз за да го прослават нивниот прв Божиќ. Повеќе од 30 бебенца беа „завиткани“ и украсени за да им измамат насмевки на своите родители, кои се подготвуваат да ги поминат новогодишните и божиќните празници во болница.
„Празниците можат да бидат особено емотивни за семејствата во Одделот за интензивна нега. Бебињата тука најчесто се родени предвреме или се болни и потребно е да поминат недели, па и месеци тука додека да бидат доволно здрави за да си одат дома. Давајќи им можност на овие специјални семејства да ги прослават празниците на незаборавен начин, ние им овозможуваме чувство на нормалност и можност да го прослават овој важен момент за нивните бебиња, иако се во болница, а тоа е нешто што секое семејство посакува да го направи“ – велат од болницата.