Меган Маркл се породи пред два дена, а денес заедно со принцот Хари го претставија пред светот нивното новородено синче.
Среќниот кралски пар позираше со бебенцето во замокот Виндзор пред неколку новинарски екипи.
За мајчинството, Меган рече: „Магија е, навистина прекрасно е. Ги имам двајцата најдобри момци на светот, па сум навистина среќна.“
Британскиот принц беше присутен на породувањето на Меган. Бебенцето се родило тешко 3,3 килограми.
Ова е прво дете на Меган и Хари, кои стапија во брак во мај минатата година.
