Артистка создава илустрации инспирирани од креациите на врвни модни брендови и модни дизајнери.
Благодарение на својот талент, Оливија Елери има создадено мрежа од десетици илјади фанови и има соработки со модни куќи како Louis Vuitton, Tiffany, Macy's и Sephora.
„Отсекогаш сум сакала да цртам, уште откако бев мало девојче. Во моите дваесетти години одлучив да се фокусирам повеќе на она што ми носи радост и страст и го создадов мојот Instagram профил. Ми требаа неколку години напорна работа за да ги развијам моите вештини за да бидам забележана и да работам со големи брендови. Напорната работа, упорноста и трпението секогаш се исплаќаат“ – вели талентираната уметница.
За својот стил, Оливија вели:
„Би го опишала мојот стил како детален и прецизен, секогаш фокусиран на приказната и на чувството зад одреден бренд/дизајнер. Жената која ја портретирам во секоја илустрација е самоуверена, харизматична и заводлива.“
