Краток анимиран филм за татко кој ќе научи да ја стилизира косата на ќеркичката, крајот ќе ве трогне

„Hair Love“е краток анимиран филм кој ќе ве исполни со емоции.

Во него прикажано е девојче кое се обидува да се подготви за специјален ден, но никако не успева да си ја направи посакуваната фризура.

По многу неуспешни обиди, таткото решава да помогне, а сепак, резултатот е катастрофален. Тогаш, разочараното девојче му покажува видео-туторијал кој го снимила мајката, па разнежнетиот татко одлучува да направи уште еден обид. Овојпат - успешен.

На крајот станува јасно дека таткото и малото девојче се подготвувале за да ја земат мајката од болница каде се лекувала од рак.

Дефинитивно нема да останете рамнодушни од нивната средба.