Прекрасно е кога постарите лица имаат среќа да ги поминат своите пензионерски денови покрај сопругот/та и да се грижат еден за друг. Но, уште поголема среќа е да има кој да ја овековечи нивната дружба и искрена љубов.
Откако забележала дека бабите и дедовците отсуствуваат од семејните фотографии, артистката Суџата Сетија започнала мисија за нивна поголема вклученост во фотосесиите.
Најпрво таа започнала да фотографира баби или дедовци со внучиња. Еден ден, додека фотографирала баба и внуче, забележала дека дедото само тивко го набљудува снимањето без да се вклучи во него. Оттогаш нејзината работа се проширила кон фотографирање на повозрасни парови.
Таа вели дека нивната чиста и искрена љубов е неверојатна. Еден ден, нејзин повозрасен клиент ѝ рекол: „Кога бевме млади, имаше многу нешта околу нас што ни го одвлекуваа вниманието. Нашата љубов секогаш изгледаше како да е избрзана... нецелосна. Но, тоа што сега се имаме еден со друг, оваа љубов, оваа дружба е она што е најважно“.
