Жена преку емотивна објава на Facebook објасни дека татковската љубов не познава крвно сродство и разнежни илјадници лица на интернет.
Кариса Смит објави фотографија на која нејзиниот сопруг-војник ја гушка нејзината ќерка, која ја сака како свое дете и покрај тоа што не е крвно поврзана со него.
Тие не се роднини по крв, но тие се татко и ќерка. Мојот сопруг се надминува себеси за да се грижи за неа како да е негова ќерка. Кога таа плаче, тој е таму за неа. Кога ѝ е потребен, тој е таму. Не го употребуваме терминот „очув“. Тој е нејзин татко. Кога тој се заљуби во мене, се заљуби и во мојата ќерка. Тој влезе во нашиот живот кога таа имаше 9 месеци, а сега има 3 години. Таа е ултимативната татина ќерка.
Тие се неразделни, а неговата татковска љубов е многу длабока. Толку длабока што тој одлучи да ја посвои, а посвојувањето е во тек. Набрзо тие „официјално“ ќе бидат татко и ќерка.
Оваа фотографија беше направена во 2 часот наутро кога тој се прикраде дома од работа за да ја смири затоа што ужасно ѝ недостасуваше. Се немаа видено 14 дена.
Со својот текст, Кариса поттикна многумина да споделат слични искуства.
„Мојот татко ми е татко од 9-месечна возраст. Овој септември навршија 15 години од смртта на мајка ми, а тој СÈ УШТЕ е тука присутен, мој татко, мој најдобар пријател покрај мојот сопруг. Имам 36 години и сум негово единствено дете. Бремена сум со неговото прво и единствено внуче. Иако живееме на раздалеченост од 1.600 милји, тој ќе биде во породилната сала со мене за да биде сведок на раѓањето на нашето мало чудо. Татковците се најдобри“ – беше само еден од коментарите.