Невеста ја искористи магијата на Дизни за да создаде незаборавна свадбена бајка. Таа со сопствени раце ја декорираше секоја гостинска маса по различна приказна од Дизни, а резултатот ќе ве одушеви.
Ешли и Тај се свршиле во Дизниленд, па најдобриот начин за да го започнат својот брачен живот бил организирање на бајковита свадбена прослава. Како огромен обожавател на Дизни, Ешли одлучила да го покаже својот талент и да создаде уникатни украси инспирирани од цртаните филмови.
„Пепелашка“, „Убавицата и ѕверот“, „Малата сирена“, „Снежана“ беа дел од хитовите на Дизни кои ја инспирираа Ешли. „Тоа беше најмагичниот ден од мојот живот. Со организирањето на Дизни свадба сакавме да пресоздадеме дел од магијата од денот кога ме запроси за да ја споделиме со нашите пријатели и со семејствата“ – рекла невестата.