Заљубен маж би направил многу луди работи за својата сакана. Бренден Мекнил не е исклучок. Тој стана дел од претстава во која глумеше неговата девојка и пред целата публика клекна на колено и ѝ предложи брак.
Кејли Меклин учествуваше во мјузикл „Убавицата и ѕверот“, кога на последната сцена од претставата наместо актерот кој го глумеше принцот, на сцената се појави нејзиниот сакан Бренден.
Посветеното момче тајно ја вежбало сцената и песната заедно со режисерите, сè со цел да може да ѝ го подари на Кејли ова прекрасно изненадување.
„Сега знаеш зошто бев толку среќен утрово. Нели? Не постои ништо друго што би сакал повеќе, од тоа да се будам покрај тебе до крајот на мојот живот“ – ѝ вели Бренден на Кејли во видеото, а потоа клекнува на колено поставувајќи го големото прашање. Без размислување, Кејли вели „ДА“.
Барем за момент среќната идна невеста се почувствува како вистинска принцеза.