Две медицински сестри во детска болница во Минесота создадоа инспиративно видео кое ја покажува храброста на нивните пациенти.
Во видеото, малите пациенти и вработените во болницата танцуваат и ја „пеат“ песната „Brave“ од Сара Барелис и испраќаат мали пораки како „Бидете смели“, „Бидете силни“, „Бидете храбри“, „Останете позитивни“, „Продолжете да се борите“...
Идејата на сестрите била да покажат дека на одделенијата за онкологија и хематологија не владее тага, да ги исполнат пациентите со позитивна енергија, но и на одреден начин да им се заблагодарат за тоа што ги инспирираат секој ден со големата храброст.
Видеото со сигурност нема да ве остави рамнодушни и ќе ве натера подлабоко да размислите за животот и поточно за тоа што ни е потребно за да бидеме среќни.
