Симон Андерсон Пречерер целосно го трансформира својот изглед, но и начинот на живот, со што го привлече вниманието на илјадници луѓе од целиот свет кои во неа гледаат инспирација.
24-годишната девојка ја намали својата тежина од 169 до 83 килограми за само 11 месеци (со помош на операција за намалување на желудникот) и беше нападната онлајн дека е измамничка. Многумина не веруваат дека двете фотографии се автентични.
Критичарите беа замолчени кога таа објави фотографија на која се гледа виснатата кожа по нејзиното тело која беше резултат од наглото слабеење.
Минатиот месец Симон си направи операција за отстранување на вишокот кожа со што ја финализира својата голема трансформација.
„Додека не поставив две слики една до друга, немав точно сфатено колку многу постигнав“ – пишуваа Симон, која сега тежи 79,9 килограми.
