„Животот е прекраток за да не го правиш она што го сакаш“ – ова е пораката која Мадам Пул им ја пренесува на своите ученички.
Мадам Сузел Пул е инспиративна бабичка која и на 77-годишна возраст не се откажува од својата љубов – балетот. Таа започнала да танцува кога имала 7 години, а за првпат како професионална балерина настапила на 10 години.
Во моментов, Сузел предава во училиште за балет, каде ги инспирира младите девојки да ги следат своите соништа.
„Без разлика дали е сликарство или балет или јога, што и да е она што навистина го сакате, никогаш не е предоцна. Започнете да го правите она што го сакате сега“ – вели таа.
Покрај часовите во училиштето, Пул како волонтер танцува во старски дом за да ги поттикне старите лица кои престојуваат таму да ги прават вежбите кои им ги покажуваат вработените.
„Јас сум постара од повеќето од нив. Не им се верува дека сè уште танцувам, многу сум благодарна што можам да го правам тоа. Танцувањето за мене е најубавата вежба. Фит сум, не пијам никакви лекарства и верувам дека секому би му користеле часовите по балет.“
„Се надевам дека мојата приказна ќе им покаже на луѓето дека годините не се пречка за танцување“ – вели Пул.
