Hainan Airlines е авионска компанија која недискутабилно им ги овозможува на своите вработени најдобрите униформи. Членовите на екипажот на кинеската авиокомпанија добија ултра модерни униформи кои беа претставени на Париската недела на високата мода.
Креациите се создадени од дизајнерот Ларенс Су. Модните дела се инспирирани од традиционален кинески фустан, а на нив се прикажани облаци, море, небо и планини, за да го поттикнат полетувањето на авионот, и птицата Рух, која во митологијата претставува сила.
„Ние не создаваме само нова униформа, туку исто така ја покажуваме меѓународната слика за нашата авиокомпанија. Особено на меѓународните рути, сакаме да им дадеме до знаење на патниците дека Кина е модерна и тренди“ – велат од Hainan Airlines.
