ВИДЕО: 10-годишно девојче е извлечено од урнатините во Италија 17 часа по силниот земјотрес

Десетгодишно девојче беше извлечено од урнатините во италијанскиот град Пескара дел Тронто 17 часа по катастрофалниот земјотрес, кој згасна 247 животи и избриша четири града од мапата. Видеото од спасувањето го обиколи светот.

Девојчето било заробено со главата надолу, а акцијата за спасување започнала кога спасувачите слушнале звук од под рушевините. „Bella ragazza“ или „Убаво девојче“ – се слуша од толпата по извлекувањето. Девојчето моментално е во болница и е во стабилна состојба.

Земјотресот, кој ја погоди централна Италија, се случи во 3.36 часот наутро во средата и беше со јачина од 6,2 степени според Рихтеровата скала.