„Аџибадем Систина“ се вклучи во борбата со коронавирусот: Болницата понуди 27 респиратори и 1.000 медицински лица
„Аџибадем Систина“ се вклучува во борбата против коронавирусот.
Клиничката болница објави дека ќе помогне заедно со сите 1.000 вработени медицински лица и ги става на располагање слободните 27 респиратори за користење, доколку се јави алертна состојба со КОВИД-19.
Прочитајте ја целосната порака:
27 РЕСПИРАТОРИ ОД „АЏИБАДЕМ СИСТИНА“ СТАВЕНИ НА РАСПОЛАГАЊЕ НА ГРАЃАНИТЕ НА МАКЕДОНИЈА
Почитувани,
Во услови на алертна состојба со вирусот Ковид-19, Клиничката болница „Аџибадем Систина“, заедно со сите свои 1000 вработени лица, се става на располагање со сите свои слободни капацитети на граѓаните на Македонија, кои се засегнати од овој вирус, а по потреба и претходен договор со Министерството за здравство. На располагање се ставаат и сите слободни апарати за механичка вентилација односно респиратори. Во моментов нашата болница располага со 27 најсовремени респиратори и тоа педијатриски, адултни и транспортни.
Следете ги препораките за заштита и превенција од Ковид 19. Грижете се за своето и за здравјето на луѓето околу Вас. Нашата грижа за Вашето здравје продолжува.