Најважната задача на секој родител е да го насочи своето најмило кон вистинскиот пат низ лавиринтот наречен животот. Блогерката Ребека Перкинс одлучи да му даде несекојдневен роденденски подарок на своето највозрасно дете и состави листа со 40 мудрости. Станува збор за животни лекции кои заслужуваат да бидат прочитани во секоја фаза од животот.
- Ти не си твојата работа. Ти не си сумата пари која ја имаш на банка. Ти не си материјалните нешта кои ги поседуваш.
- Љубовта боли. Но, подобро е да ја искусиш одошто да се затвориш во себе поради страв да не бидеш повреден.
- Комуникацијата и почитта се основата на секоја долгорочна врска.
- За врска се неопходни три нешта – страст, љубов и споделени вредности.
- Никогаш не се споредувај со други. Тоа е залудно потрошена енергија. Ти си уникатен и имаш твои дарови кои можеш да му ги понудиш на светот.
- „Не“ е комплетна реченица.
- Развивај и негувај пријателства. Со љубов и грижа тие можат да траат до крајот на животот. Исто така, не се плаши да ги менуваш пријателствата.
- Ти си доволен онаков каков што си. Совршен во твоите несовршености.
- Очекувај неуспеси. Неуспехот не е фатален. Научи ја лекцијата, исправи се и обиди се повторно.
- Грижи се за сопственото здравје – психичко, физичко и духовно.
- Не се жали. Одлучи што би толерирал и продолжи понатаму со животот.
- Постави си граници за работата, семејството и пријателствата.
- Малите работи се значајни. Добрите манирите ќе те однесат далеку.
- Биди благодарен. Секој ден набројувај ги нештата за кои си благодарен.
- Имај ексцентрични соништа. Ќе се изненадиш што сѐ може да ти се оствари.
- Никогаш не го губи својот интегритет.
- Јавувај им се на родителите. Тие можеби направиле грешки, но те израснале најдобро што можеле.
- Знај ги своите вредности. Не дозволувај некој да го наруши она што ти е важно, дури и тоа да е твојот шеф или твојот партнер.
- Откриј ја својата страст. Може и да пронајдеш начин за да заработуваш од тоа.
- Не мора сѐ да имаш смислено. Утре е нов ден.
- Развеселувај се сам. Диши длабоко и бавно.
- Слушни го својот внатрешен дијалог. Дали би му зборувал на ист начин на некој што го сакаш?
- Преземај ризик, имај верба. Ќе ти пораснат крилја.
- Помагај им на другите. Луѓето секогаш ќе паметат што си направил за нив.
- Не биди премногу под стрес поради донесените одлуки. Ниту една одлука не е дефинитивна.
- Научи се да прифаќаш комплименти. Едноставно кажи „ти благодарам“.
- Биди склон да покажеш дека си ранлив. Тоа е доказ за храброст.
- Никогаш не си сам.
- Простувај. Прво себеси, а потоа и на другите.
- Твоето однесување секогаш е прашање на избор.
- Смеј се! Забавувај се!
- Магијата се случува кога ќе излезеш од комфорната зона.
- Научи да се сакаш себеси сега! Станува потешко ако го оставиш тоа за кога ќе остариш.
- Не се загрижувај за туѓото мислење. Другите мислат за тебе многу помалку одошто си замислуваш.
- Следи ја својата интуиција. Твоите инстинкти го имаат одговорот. Секогаш.
- Среќата доаѓа однатре. Не очекувај некој друг да те направи среќен.
- Биди финансиски одговорен уште од почеток. Штеди 10%. Долговите не се пријатни. Приготвувај си сам ручек за на работа.
- Животот не е трка. Застани и помирисај ги розите.
- Кога ќе си затрупан со грижи, запрашај се: „Дали ова ќе биде проблем по 5 години?“
- Промени се случуваат. Тоа е сигурно. Научи се да се носиш со тоа.
